Жас суретшілер байқауы

Мәдениет

15:25 14 Қараша 2011

Шығармашылық конкурс «20 игі іс» шарасы аясында ұйымдастырылып отыр. Партия өкілдері соңғы бір ай көлемінде қалалық білім ошақтарында сурет байқауын өткізген болатын. Бүгін соның нәтижесі ретінде 7-13 жас аралығындағы ең белсенді, дарынды деген балалар қатысып отыр.

Даукен Темірбаев, «Қазақстан коммунистік халық партиясының» СҚО бойынша бірінші хатшысы:
-Қазақстан жастары өте талантты. Ол таланттарды анықтап, өздерін көрсету үшін жағдай жасау керек. Бүгінгі шара қоғам мен мемлекет үшін үлгі болады деген ойдамын.

Балаларға жүктелген міндет – жарты сағат ішінде «Менің Отаным – Менің Қазақстаным» деген тақырыпта сурет салу. Байқауда жеңімпаз атану үшін жас суретшілер барын салуда.

Маша Пильзак, №10 орта мектеп оқушысы:
-Мен өзімнің Қазақстанымды бейнеледім. Оның тауларын, көлдерін, өзендерін қағаз бетіне түсірдім. Біздің Қазақстан өте әдемі.

Балалардың шығармашылық еркіндігіне шек қойылмады. Олар өз туындыларында еліміздің әсем табиғаты мен көрнекті жерлерін бейнеледі.

– Мен бүгін Бәйтеректі саламын. Өйткені ол өте үлкен және әдемі.
– Тауларды, күнді,киіз үйлерді, бәрін-бәрін саламын.

Үздіктерді таңдау – қиынның қиыны дейді ұйымдастырушылар. Байқау қорытындысы бойынша жүлдегерлермен қатар қатысушылардың барлығы сыйлықтарға ие болды.

Бұдан әрі оқыңыз

“Ел жүрегі-Нұрсұлтан” атты фотокөрме қанат жайды
Домбыра – асыл мұра
Облыстық кітапханада Ұлттық Домбыра күніне орай іс-шара өтті
“Тарт домбыра” облыстық байқауы өтуде
әл-Фарабидің тағылымына арналған онлайн жиын өтті
“Бұлбұлдар түні” қойылымы сахналанды
Әлем таныған Абай
“Қасиетті Қазақстан” жинағының 4-ші тобы жарық көрмек
Облыстық қуаршақ театрында жөндеу жұмыстары жүргізілуде
26 жастағы солтүстікқазақстандық қысқа метражды фильм түсірді