«БЭСТ» гимназиясының мерейтойы

Білім

18:14 3 Қараша 2011

 

Осыдан 15 жыл бұрын № 11 орта мектеп ағылшын тілін тереңдетіп оқытатын «БЭСТ» лингвистикалық-гимназиясы деп қайта құрылған болатын. Содан бері білім ошағы талай биіктерді бағындырды. Соңғы 3 жылдан бері гимназия республикадағы үздік 100 мектептің қатарында. 6 оқушы  Назарбаев университетінде білім алып жатса, 20-сы халықаралық «Болашақ» стипендиясының иегерлері. Биыл мектеп бітіргелі отырған Ерлан Досанов болашағынан зор үміт күттіреді. Қоғамдық жұмыстарға белсене араласатын ол гимназия ішіндегі оқушылар парламентін басқарады.

Ерлан Досанов, «БЭСТ» оқушысы:
– Осы мектепте 5-сыныптан бері оқимын. Мұндағы балалар өте ұйымшыл, жаңадан келген оқушыларды жақсы қарсы алады. Мұғалімдеріміз де жақсы, олар біздің досымыздай.

Мерейтой иелерін қала әкімі Нұржан Әшімбетов құттықтап, мектепке компьютер сыныбын сыйлады.

Нұржан Әшімбетов, Петропавл қаласының әкімі:
– Сіздерді мерекемен құттықтаймын. Болашақ ұрпақты тәрбиелеу – маңызды іс. Артылған сенім мол.

Шығармашылық еңбегі мен білім беру саласындағы жеткен жетістіктері үшін ұстаздар қауымы қала әкімдігі атынан алғыс хаттар мен сыйақыға ие болды. Осындай құрметке қазақ тілі мен әдебиеті пәнінің мұғалімі Қамар Қуанышбайқызы да бөленді. Гимназиядағы білім беру сапасы балаларға ұнайды, олар оқу орнын мақтан етеді.

– Біздің мұғалімдеріміздің кәсіптік деңгейі өте жоғары
– Мен өз мектебімді мақтан тұтамын. Осында оқитыныма өте қуаныштымын. Бізге берген білімі үшін барлық ұстаздарға алғыс айтамын.

Мерейтойлық кеш концертке ұласты.

Бұдан әрі оқыңыз

Ғылыми жобалар байқауының облыстық кезеңі өтті
Университет қабырғасында ғылыми-тәжірибелік конференция өтті
“Отбасы құндылықтары” атты семинар-тренинг өтті
Оқытушылар мен студенттердің бәсекесі
Инклюзияны қолдау кабинетінің жұмысы
Техникалық маман иелерінің үздігі анықталды
Химия-биология пәні мұғалімдерінің І халықаралық форумы өтті
Университет студенттерінің жаппай төбелесуіне не себеп?
Химия-биология бағытындағы НЗМ аккредитациядан өтті