Егеменді еліміздің Әнұраны ойнағанда әр азаматтың бойында айырықша асқақ сезім пайда болады. Өзгеше болуы да мүмкін емес. Өйткені Ту, Елтаңба, Әнұран – тәуелсіз еліміздің айнымас нышандары. Халқымыздың рухын, болашаққа үмітін, арман-тілегін жеткізетін баға жетпес құндылықтар. Көк аспан түсті Туымызды, айбынды Елтаңбамызды, асқақ Әнұранымызды құрметтеп, қастерлеу – еліміздің әр азаматының парызы. Отанға деген ыстық ықылас мемлекеттік рәміздерімізді құрметтеуден бастау алады. Сондықтан жас ұрпаққа егеменді еліміз үшін мемлекеттік нышандардың маңызын жеткізудің мәні зор дейді кітапханашылар. Әрбір азаматтың жүрегінде Отанына деген сүйіспеншілікті, өз еліне деген мақтаныш сезімін оятуда мемлекеттік рәміздердің маңызы айырықша деген пікірде жиналғандар. Сондықтан Ту, Елтаңба, Әнұранға деген халықтың құрметін қалыптастыру, бұған өскелең ұрпақты баулу – басты мақсатымыз болуы тиіс.
Айымгүл Әбілева