Электрондық салық төлеушіге құлаққағыс

Әр түрлі

14:17 29 Наурыз 2011



Салық міндеттемесін, зейнетақы жарналарын есептеу, ұстап қалу және аудару жөніндегі хабарламалар әр салық төлеушіге жазбаша қағаз не электронды түрде жеткізіледі. Соңғысы бойынша жіберілген хабарлама 5 күн ішінде салық төлеушіге тапсырылды деп есептеледі.

Жанат Меңдікеев,  СҚО Салық департаментінің мәжбүрлеп өндіріп алу бөлімінің жетекші маманы:
-Бұл тәсілмен осы кодекстің 572-бабында белгіленген тәртіппен электрондық салық төлеуші ретінде тіркелген тұлғаға ғана жіберіледі.

Электрондық салық төлеуші ретінде тіркелуге әркімнің құқығы бар. Ол үшін тұрғылықты мекен-жайы бойынша құзырлы органға өтініш жазу жеткілікті.

Жанат Меңдікеев, СҚО Салық департаментінің мәжбүрлеп өндіріп алу бөлімінің жетекші маманы:
-Бұл жолмен тіркелген адам электронды байланыс арқылы құжат алмасып, түрлі хабарламаларды, жаңалықтарды оқи алады. Ал келген ескертпелерді ол міндетті түрде 5 жұмыс күнінің ішінде оқуы міндетті.

Өйтпеген жағдайда банктік есеп бойынша операцияларды тоқтатудан бастап әкімшілік жауапқа тартуға дейінгі жаза қарастырылған.

Кәусар Аяпбергенқызы