Ал ақпанның 19- 22-і күндері термометр көрсеткіші -30- -35 градусқа дейін жетуі ықтимал. Ауа райының күрт суытып, боран тұруына байланысты қаладан шығатын жолдар жабылды. Енді жол полицейлері бірнеше жеңіл көлікті топтап қана сапарға аттандыруда. Ал жүк және жолаушыларды тасымалдаушы көліктер мұндай мүмкіндіктен де айырылып отыр.
Әбілсейіт Жолаушин, СҚО ІІД ЖПБ инспекторы:
– Жүргізушілерден жылдамдықты қадағалап, қарсы келе жатқан темір тұлпарға көріну үшін көліктің шамдарын жағып жүруін сұраймыз. Қаладан ұзақ сапарға шықпаған жөн. Ауа райы бір қалыпқа келгенге дейін автокөліктердің облыс орталығынан шықпауын бақылаймыз.
Айдана Демесінова