«Петропавл халықаралық әуежайы» акционерлік қоғамының президенті Виктор Шевелевтің хабарлауынша, бұдан былай әуе тасымалымен «Скат» компаниясы айналысатын болады. Билеттер кассаға түсті, тек бағалары өзгерді. Елордаға ұшақпен жетем деушілерге 10-нан 19 мың теңгеге дейін қаражат қажет болады. Рейс аптасына 2 рет. Ал ақпанның 7-нен бастап аптасына 1 рет Алматыға қатынайтын ұшақ сапарға шығады. Билет құны 23- 36 мың теңге шамасында. Әуежай ғимаратындағы жалпы зал, ұшып келу мен шығу залдары күрделі жөндеуден өтіп, жылыту жүйесі іске қосылды. Жолаушыларды тіркеуден өткізіп, тексеретін құрылғы да орнатылған.
Кәусар Аяпбергенқызы