Қылышын сүйреткен қыс та жетіп қалды. Солтүстікқазақстандықтар оның қаһарлы мінезін бірден байқады. Бет қарыған аяз, өткір жел, қалың жауған қар.
Гүлзат Ғазизова, СҚО метеорология орталығының метеоболжау бөлімінің бастығы:
-Бірінші онкүндікте 1-5-не дейін ауаның температурасы түнде 15-20-дан, кей жерлерде 10 градус аяздан 20-25, 30-32-ге дейін аяз болуы мүмкін.
Ал айдың соңында ауа температурасы тіпті 33 градусқа дейін төмендейді деп күтілуде. 28-29 желтоқсанда түнгі температура 13-18 градусты шамасында, ал жаңажылдық түнде, яғни желтоқсанның 31-інде 19-24 градус аяз болуы ықтимал. Ғаламторда қаптап жүрген ырымдарға сенсек, қарлы қыс астықтың шығымдылығын болжайды. Ендеше биылғыға қарағанда келесі жыл әлдеқайда берекелі болмақ.
Гүлзат Ғазизова, СҚО метеорология орталығының метеоболжау бөлімінің бастығы:
– Жауын-шашынның айлық мөлшері көп болады. Бірінші онкүндіктің басында және екінші жартысында, екінші онкүндіктің ортасында кей жерлерде қар жауады.
Өңірімізде желтоқсандағы ең төменгі көрсеткіш – 44 градус аязды термометр бағандары соңғы рет 1929 жылы көрсетіпті. Ал керісінше 4 градус жылылық 1967 жылдың желтоқсанында тіркелген.
Кәусар Аяпбергенқызы