Облыстық ауруханадағы жөндеу

Жол картасы

3:50 15 Қыркүйек 2010

Облыстық аурухананың бес қабатты ғимараты 1986 жылы пайдалануға берілген. Осы уақыттан бері ғимаратқа күрделі жөндеу алғаш рет жүргізіліп отыр. Жұмыс өткен жылы “Жол картасы” бағдарламасы бойынша басталған. Биыл қаржы аурухананың үш бөлімшесі мен емханаға бөлінді.
  
 Юрий Белоног, облыстық аурухананың бас дәрігері:

-Ауруханаға 134 миллион теңге бөлінді. Бұл қаржы бес қабатты ғимараттың үш бөлімшесі мен консультациялық-диагностикалық емхана ғимаратына жұмсалып жатыр. Қалпына келтіру шараларының біз үшін де, науқастар үшін де маңызы ерекше. Санитарлық ережелерді сақтау жеңілірек.

Облыстық аурухана ғимаратындағы жөндеу жұмыстарын “Әдижан ” серіктестігі атқарды. Мердігерлердің жұмысты сапалы орындағанын бірден көруге болады. Ауруханада 20 жылдан еңбек етіп келе жатқан Сәуле Нұрмұқанова аурухананың көркеюі жұмысқа оң әсерін тигізетініне сенімді.

  Сәуле Нұрмұқанова:                                                                                                                                                                                                                         –Аурухана санитарлық нормаларға сай. Пациенттерге де, бізге де өте ыңғайлы. Бұрын қараңғы болған, қазір жарық.

Аурухананың гематология бөлімшесіне созылмалы аурулармен науқастанғандар жиі түседі. Ұзақ уақыт емдеу мекемесінде болатындар биылғы жөндеуді бағалап үлгерген.

  Марина Титова:                                                                                                                                                                                                                                    -Мен ауруханаға екі жылдан бері емделуге келемін. Әрине, осы уақыттағы айырмашылық жер мен көктей.
 

Бауыржан Мұрсалимов:                                                                                                                                                                                                                     -Аурухананың дәрігерлері жақсы, ауруларға жақсы қарайды. Іші таза, жөнделген

Жөндеу жұмыстарынан кейін бөлімшелерге жаңа медициналық қондырғылар мен жиһаздар әкелініпті.

 Юрий Белоног , облыстық аурухананың бас дәрігері:                                                                                                                                                            -Біз осы үш бөлімше мен емханаға қажетті жиһаздарды сатып алуға 7 миллион теңге бөлдік. Мемлекет жөндеуге үлкен көмек көрсетіп жатқанда, біз де барымызды салып, құралдарды жаңартуға тырыстық.

Ал емханадағы жөндеу жұмыстары қазанның біріне дейін аяқталады деп жоспарланып отыр.

Әсем Сембина

Бұдан әрі оқыңыз