Астық бастырудан Тайынша ауданы көш басында келеді. Бұл өңірдегі диқандар осы күні астықтың 84 пайызын бастырған. Мағжан Жұмабаев ауданында бұл көрсеткіш 81 пайызды құрайды. Қыркүйектің жетісіне дейін облыста 3 млн тонна бидай соғылған. Гектар берекелігі орта есеппен 10,1 центнерден айналуда. Қызылжар ауданында одан да жоғары – диқандар гектарынан 13,5 центнер астық жинап жатыр. Ақжар ауданында гектар берекелігі – 13,1 центнерді құрайды. Үздік үштікке мамлюттіктер енді – бұл ауданда агроқұрылымдар гектарынан 12,8 центнер астық жинап алды. Ал ең төменгі көрсеткіш Ғабит Мүсірепов және Тайынша ауданында тіркелген – тиісінше гектар берекелігі 8,3 және 8,1 центнерді құрайды. Айта кету керек, биылғы жылы астықтың сапасы жақсы – бидай желімтігі 25 пайыздан асып жығылады. Басқармадағылар жоспар бойынша егін орағы қыркүйек айының ортасына қарай аяқталатынын айтады.
Айымгүл Әбілева