Тексеріс көрсеткеніндей, әділет жүйесінде бірқатар заңбұзушылықтарға жол берілген. Соңғы үш жылда пара алу фактілері тіркеліп, жеті қылмыстық іс қозғалған. Оның алтауы бойынша сот шешімі шықты. Осылайша заңды белінен басқандар жазаға тартылған. Бұнымен қатар әділет органдарында жемқорлықтың алдын алу бағытында жүйелі шаралар іске асырылуда. Мәселен, Әділет департаментінде өткен жылдан бұндай қылмыстардың алдын алу, оның жолын кесу жұмыстарымен айналысатын арнайы маман еңбек етеді. Сондай-ақ сенім телефоны жұмыс істейді.