Колледж жаңа мамандыққа оқушылар қабылдайды

Білім

4:44 20 Тамыз 2010



 
Бүгінгі күні жаңа мамандықты игеруге отыз талапкер ниет танытыпты. Бір айта кететіні, сауда,ет және тамақ өнеркәсібі өндіріс жабдықтарының техник-механигі болуды қалағандардың  жартысынан астамы қыз балалар екен. Колледж оқытушылары бұл мамандық иелеріне қазірде сұраныс бар екенін айтады.

Динара Сандыбаева, қабылдау комиссиясының жауапты хатшысы:
-Бүгінде ірі сауда орындары, өндіріс кәсіпорындары заманауи қондырғылармен жабдықталып жатыр. Сондықтан жаңа мамандық иелеріне сұраныс бар. Біздің өңірімізде ешбір оқу орны ет және тамақ өнеркәсібі өндіріс жабдықтарының техник-механиктерін даярламайды. Біздің оқу орнында бұл мамандық алғашқы болып ашылып отыр.

Жаңа мамандықтың қыр-сырын студенттер екі жыл алты ай меңгеретін болады. Техник-механиктерді даярлауға жиырма бес грант бөлініпті. Байқауда оқуды биыл бітіргендердің ұлттық бірыңғай тестілеуде жинаған ұпайлары есепке алынады. Ал мектепті бұрын аяқтаған талапкерлер тамыздың жиырма төрті кешенді тестілеу тапсырады.
Кәсіптік-педагогикалық колледжді тәмамдағаннан кейін түлектер білімдерін Қостанай қаласында жалғастыра алады.

Айымгүл Әбілева

Бұдан әрі оқыңыз

Биыл мектептерде алғашқы қоңырау сыңғырламайды
Жас Өркендегі жаңа мектептің құрылысы аяқталуда
Бірінші сыныпқа құжаттарды қабылдау мерзімі ұзартылды
Бірінші тоқсанда оқушылар қалай оқиды
Мемлекеттік қызметке орналасушы үміткерлер үшін “қазтесттің” жаңа жүйесі жасалды
Қызылжар ауданындағы 34 мектепке бейнекамералар орнатылады