Елбасының Жарлығына сәйкес 7 және одан көп баланы өмірге әкеліп, асыраған петропавлдық аналарға құрмет көрсетілді. Солардың бірі – 8 баланың анасы Мәрғима Олжабаева өткен жылы «Күміс алқаға» ие болған. Енді міне 70-ке толған шағында «Алтын алқаға» қол жеткізді. Оған қоса ай сайын берілетін жәрдемақысы тағы бар. Бұны естігенде Мәрғима әжейдің қуанышында шек болған жоқ.
Мәрғима Олжабаева, көпбалалы ана:
-Күміс алдым, енді міне, алтын алып отырмын. Ризамын. Болашақ аналар біз сияқты болсын деймін.
Рабиға Қазбаева 7 балаға өмір сыйлады. Немерелеріне көпбалалы болудың бақыты туралы айтудан жалыққан емес. Әжейдің алқасын алуға тұңғыш қызы келіпті.
Зурәш Қазбаева:
-Бәріміз жоғары білім алдық. Тұрмыстарымыз жақсы. Бүгінгі күн өте жақсы.
Гүлден Сәрсенбаева