Статистика департаментінің мамандары Президент қойған міндеттерді орындауда көп іс тындырды. Өткен жылы үлкен науқан – халық санағын жүргізді. Жақында оның қорытындысы жарияланады.
Бақыт Ахмеджанова, СҚО статистика департаментінің жетекші маманы:
-Осы Жолдаудағы барлық шаралар бізге қатысты деп ойлаймыз. Себебі, санау, санақ бізден шығады. Осы міндет деңгейінен көріну үшін жұмыс істеп жатырмыз.
Қалалық ақпараттық-насихат тобының құрамында ардагерлер, дәрігерлер, мұғалімдер бар. Барлығы өз салалары бойынша атқарылып жатқан жұмыстар туралы әңгімеледі.
Людмила Соловьева, № 7 орта мектептің директоры:
-Елбасы сапалы білім беру бәсекеге қабілеттіліктің, қоғамның тұрақтылығының көрсеткіші екендігін айтты. Бүгінгі мектептердегі болып жатқан өзгерістер осының айғағындай. Лингафондық, мультимедиалық кабинеттер, жаңа оқу құралдары, жаңартылған физика, биология сыныптары осыны көрсетеді.