Мәжіліс депутаты Еркебұлан Мәмбетовтің айтуынша, Үкіметтен Су кодексінің жобасы сапасыз күйде келген. Оның 70 пайызы жаңартылыпты. Жеке өзі 25 ұсыныс білдірген екен. 16-сы қабылданып, 5-еуі әлі қарастырылып жатқан көрінеді. Заң жобасы 2 айдың ішінде Сенаттың 2-ші оқылымына тапсырылуы тиіс.
Еркебұлан Нұрмағамбетұлы өңірге жұмыс сапарын «Мандат» бағдарламасында қорытындылады. Депутат Ойқалада салынып жатқан бөгеттің сапасын бағамдаған, жақын маңдағы бірнеше ауданды аралап, азаматтарды қабылдаған. Сондай-ақ, өзі жолдаған депутаттық сауалдардың нәтижелілігіне тоқталды.