Ұлттық спорт күніне орай Петропавлда қазақ күресінен жасөспірімдер арасында республикалық турнир өтті. Ақмола, Қарағанды, Ұлытау, Жетісу, Павлодар, Қостанай, Солтүстік Қазақстан облысы мен Астана қаласы. Бозкілемде еліміздің 8 өңірінен келген 200-ге жуық палуан бақ сынады.
АСЫЛХАН БОЛАТОВ, шараны ұйымдастырушы:
— Бұл іс-шараны облысымызда өткізу себебі – өңірімізде беделді спортшылары арттыру. Өңіріміздің ұлттық спортын дамытуға, балалардың өнерін жетілдіруге септігін тигізеді деп ойлаймын.
Жасөспірімдер арасында республикалық турнир осымен 9-шы жыл қатарынан ұйымдастырылып отыр. Палуандар тыңғылықты дайындалған. Әрқайсысы үйіне чемпиондық атақпен қайтқысы келеді.
— Мен қазақ күресімен 2 жыл бойы айналысамын. 2 жылда көптеген сайыстарда жеңіске жеттім. Күрес мені ешқашан тайсалмауға, жетістікке жетуге және қарсыластарымды құрметтеуге үйретті.
— Қазақ күресі үйірмесіне 1 жылға жуық уақыт бұрын жазылдым Тимирязев ауданынан келдім. Республикалық сайысқа 2-ші рет қатысудамын. Бүгін жеңіске жетемін деп ойлаймын.
Наурыз қарсаңында ұйымдастырылған республикалық турнир бағдарламасы қызықты. Палуандар күреспен шектелмеді. Олар артқан тартты, асық атты және тоғызқұмалақ ойнады.
Жаннұр Бектұрғанова