Денсаулық сақтау министрлігінің Медициналық және фармацевтикалық бақылау комитеті медициналық ұйымдарды тексере бастайды. Шара барысында арнайы мамандар қызметкерлердің біліктілігі мен медициналық жабдықтардың нормативке сәйкестігін бақыламақ. Жоспар бойынша елімізде мұндай іс-шара 118 мемлекеттік және жеке медициналық ұйымда өткізіледі. Сонымен қатар, 2026-ның бірінші жартыжылдығында тағы 57 медициналық ұйым профилактикалық бақылаудан өтетін болады. Бұл денсаулық сақтау саласындағы бұзушылықтардың алдын алу, медициналық қызметтердің сапасы мен қауіпсіздігін арттыру, сондай-ақ пациенттердің құқықтарын қорғау мақсатында жүргізіліеді. Айта кеткен жөн, Медициналық және фармацевтикалық бақылау комитетінің рұқсатымен мұндай тексеріс жұмыстары соңғы рет 2023 жылы ұйымдастырылған.
Ақтолқын Солтанханқызы