НҰРАСЫЛ ЕРЖАНҰЛЫ, тілші:
— Қазақстанда жол қозғалысы ережесіне өзгертулер енгізілді. Жаңашылдықтың жүк көліктеріне де, жеңіл машиналарға да қатысы бар. Маңызды өзгерістің жай-жапсарын білу үшін тәртіп сақшыларымен тілдесуді жөн көрдік.
ҚАЙЫРЖАН ӘЛІМАНОВ, СҚО ПД ӘПБ аға инспекторы:
— Жүк көліктері қала мен елді мекендердің ішінде 50 шақ/сағ жылдамдықпен жүруі тиіс. Бұл жолда 80 немесе 90 шақ/сағ жылдамдықпен жүруге рұқсат етілген арнайы белгілері бар учаскелерде қолданылмайды.
Солтүстіктің ауа райын алдын ала болжау қиын. Бір күні боран соқса, екінші күні толассыз жаңбыр жаууы да мүмкін. Тұман мен көктайғақ та жиі болып тұрады. Мұндай кезде жол-көлік оқиғаларының саны артатыны жасырын емес. Жаңа ережеде ауа райының тосын мінезі кезінде не істеу керектігі де назарсыз қалмапты.
ҚАЙЫРЖАН ӘЛІМАНОВ, СҚО ПД ӘПБ аға инспекторы:
— Боран, тұман, қар, жаңбыр кезінде жол апаттарының алдын алу мақсатында талаптар жаңартылды. Енді колоннада патрульдік көлікке ілесіп жүрген машиналарға маневр жасауға, басып озуға, өздігінен тоқтауға тыйым салынады.
Жаңа ереженің басты сыншылары, ол – рөл тізгіндеген жандар. Сол үшін жүргізушілермен тілдесіп, өзгеріс жайлы ойларын білдік. Осы ретте сандарды сөйлетсек, жыл басынан облыста 500-ге жуық жол-көлік оқиғасы тіркелген. Салдарынан 45 адам қаза тауып, 600-ден астам адам түрлі дене жарақатын алды. Енгізілген өзгертулер жағымсыз статистиканың өспеуіне септігін тигізсе игі.
Нұрасыл Ахмет