Өңір басшысы Қызылжар ауданына барып, Тепличное, Прибрежное және Бескөл ауылдарындағы қорғаныс нысандарының құрылысымен танысты. Қазіргі таңда аталған аумақтарда құрылыс жұмыстары қызу жүріп жатыр.
АЛЕКСАНДР ЧЕКУЛАЕВ, «СҚ ЭЖТК» АҚ бас директоры:
— TNC жүйесі жеткізу туралы келісімшарттар жасалды, біз қысқа мерзімде электр жабдықтарын жеткіздік. Алдағы аптада қаржыландыру күтілуде. Ең көбі – металлқұрылымдар, оларды дайындауға 2-3 апта қажет.
Ғауез Нұрмұхамбетовтің айтуынша, бұл іс-шаралар тұрғындардың қауіпсіздігін қамтамасыз ету және су тасқынының алдын алу үшін аса маңызды. Сонымен қатар, сапа мен мерзімге ерекше назар аударылуда. Сондай-ақ, облыс әкімі Универсальная көшесіндегі жол айрығы құрылысының барысын тексерді. Бұл нысан қаладағы көлік инфрақұрылымын жақсартып, жол қауіпсіздігін арттырады.
СЕРІК МҰХАМЕДИЕВ, Петропавл қаласының әкімі:
— Ақтөбеден 7 жүк көлігі блок қабылданды, 4 көлік жолда. Сапасы қалай?
— Сапасы жақсы.
Өңір басшысы құрылысты белгіленген мерзімде сапасына аса мән беріп аяқтауды тапсырды.