Есіл аудандық халыққа қызмет көрсету орталығы цифрлық кеңсеге айналды. Бұл жерде жайлылық пен қызмет көрсету жылдамдығын арттыру үшін бірсыпыра жұмыс атқарылған. Нысан ресепшн, құжаттарды беру және экспресс-қызметтерді көрсету үшін жедел қызмет аймағынан тұрады, өзіне-өзі қызмет көрсету бұрышы мен eOtinish платформасы арқылы өтініштерді қабылдау пункті де бар. Жаңа кеңсе аудандық әкімдіктің қолдауымен жаңғыртылып, клиентке бағдарланған және цифрландыру қағидаттарын ескере отырып жобаланған.