Конституция 9 тараудан, 99 баптан тұрады. Әр бөліммен фемида өкілдері таныс. Петропавл қаласының №2 сотының судьясы Анар Маманова Ата заңымыздың беделін жоғары бағалайды. Оның сөзінше, 2022 жылы ұйымдастырылған жалпыхалықтық референдум халықтың маңызды құжатқа деген сенімін арттырды. Дауыс бердің қорытындысы бойынша Конституцияның 33 бабына 56 өзгеріс енді, Конституциялық сот қайда пайда болды.
АНАР МАМАНОВА, Петропавл қаласы №2 соттың судьясы:
— Конституциялық сот жекелеген істерді қарамайды. Ол жаңа шыққан заңның басты құжатқа сәйкестігін қадағалайды. Тәжірибе көрсеткендей, кейбір нормативтік-құқықтық актілер Ата заңға қайшы болып жатады. Осының салдарынан дұрыс емес шешім шығарылады. Жаңа жүйе орнады, ол олқылықтарға жол бермейді.
30 жылдың ішінде Конституцияға 5 мәрте өзгеріс енгізілді. 2022 жылғы дауыс берудің қорытындысы бойынша Президенттің өкілеттілігі 7 жылға дейін қысқарды. Мемлекет басшысының туыстары жоғары лауазымды қызметке тағайындалмайтын болды. Қасым-Жомарт Тоқаевтың бастамасымен “Заң және Тәртіп” қағидаты орнады. Қоса кету керек, биыл Мемлекет басшысы Конституцияның 30 жылдығына орай “Рақымшылық туралы заңға” қол қойды. Нәтижесінде жүздеген сотталған түзету мекемесінен босатылды.
Нұрасыл Ахмет