Алдағы көктемге қазірден қамданған жөн! Солтүстік Қазақстан облысының Қызылжар ауданында бөгеттерді нығайту жұмыстары басталды. Маңызды іс тасқын қаупі аса басым Тепличное және Прибрежное ауылдарының іргесінде өткізілуде. Мердігер – «Титан Север» серіктестігі. Жоба бойынша қорғаныс үйіндісі биіктеп, қабырғасы қалыңдайды. Сондай-ақ, конструкцияларды бетондау және арматураланған плиталарды төсеу жоспарланған. Оған 29 бірлік арнайы техника тартылды. Бұл жұмыстардың аяқталуы су тасқыны қаупін айтарлықтай төмендетуге және жағалау аумақтарының гидротехникалық қорғалуын жақсартуға мүмкіндік береді.