67 жастағы петропавлдықтың үй телефонына біреу қоңырау шалып, өзін Ресейде тұратын қызымын деген. Ол жол апатына түскенін және адвокатка дереу ақша керек екенін айтқан. Абдырап қалған зейнеткер үйден 2 млн теңге алып шығып, такси арқылы беріп жібереді. Мән-жайды анықтамақ болып жиеніне хабарласқан қала тұрғыны алданғанын түсінеді. Нәзікжанды бірден 102 нөміріне хабарласады. Жедел-іздестіру шарасы барысында такси жүргізушісі де, қызы болып қоңырау соққан адам да ұсталды. Күдікті – 24 жастағы қала тұрғыны. Оның тағы бір алаяқтық фактісіне қатысы бары анықталды. Қазір тергеу амалдары жүріп жатыр. Күдікті ірі көлемде айыппұл төлеуі мүмкін немесе 4 жылға дейін бас бостандығынан айырылуы ықтимал.