Мәдениет және ақпарат министрлігі Бірыңғай грант операторының қолдауымен шағын гранттар байқауына өтінім қабылдаудың басталғанын жариялайды. Байқау жеңімпаздары жобаларын іске асыру үшін 1 млн теңгеге дейін қаржылық және ұйымдастырушылар тарапынан әдістемелік қолдау алады. Жобаларды 3 айға дейін мерзімде жүзеге асыру қажет. Шағын гранттар волонтерлік бастамаларды дамыту, инклюзивті қоғамды дамыту және ауылдық бастамаларды қолдау бағыттары бойынша ұсынылады.
Шағын гранттар келесі басым бағыттар бойынша ұсынылады: волонтерлік бастамаларды дамыту (төтенше жағдайлар, экология, медицина, мәдениет, әлеуметтік бағыт, жануарларды қорғау) – 60 грант; инклюзивті қоғамды дамыту – 18 грант; ауылдық бастамаларды қолдау – 18 грант.
Өтінімдер 2025 жылғы 16 шілдеден 4 тамызға дейін қабылданады. Грантқа тіркелген үкіметтік емес ұйымдар, волонтерлік жобалар бойынша бастамашыл топтар, волонтерлік жобалар бойынша 18 жастан асқан жеке тұлғалар қатыса алады.