Ақжар аудандық мәслихатының төрағасы Мағжан Жүсіпбеков ауылда қаңғыбас иттердің көбейіп бара жатқанына алаңдаулы. Шын мәнісінде, бұл – айсбергтің шыңы ғана. Түйткіл түбінде заңның қауқары, құзырлы органның өз міндетін орындау сапасы, жануар ұстаған жандардың жауапкершілігі мен мәдениетіне қатысты мәселе жатыр. Сондай-ақ, Мағжан Рамазанұлы ауылдан көшкендер бұзған үйлерінің орнын тап-тұйнақтай етіп тазалап кетулері қажет дейді. “Мандат” бағдарламасында әрі депутат, әрі мәслихат төрағасы ауыл тұрғындарын мазалайтын мәселелер мен Ақжар ауданында қолға алынған жобаларға тоқталды.