Облыс орталығында әдеп жөніндегі кеңестің кезекті отырысы өтті. Күн тәртібіне 2 мәселе шығарылды. Біріншісі Уәлиханов ауданына қарасты Кішкенекөл ауылдық округінің әкімі Сәлима Әбікееваға қатысты болды. Басы дауға қалған басшы жиынға қатыспады.
ДИАНА САЛҒАРИНА, ҚР Мемлекеттік қызмет істері агенттігі СҚО бойынша департаментінің бас маманы:
– Уәлиханов ауданының орталығы Кішкенекөл ауылында 13 бейнебақылау камерасын орнату және құрылғыларды ағымдағы жөндеу бойынша мемлекеттік сатып алу туралы шарт жасалды. 5 млн теңгені құрайтын шартқа ауылдық округ әкімі Сәлима Әбікеева мен жеке кәсіпкер қол қойған. Алайда, жұмыс толық көлемде орындалмаған. Бұны аудандық прокурорлар анықтады. Олар арнайы тексеріс барысында 2 камераның ғана іске қосылғанына көз жеткізген.
Сонымен қатар, Сәлима Әбікеева жұмыс аяқталмайынша кәсіпкердің шотына 3 млн теңге аударған. Бұл ретте аудандық прокурорлардың айтары бар. Қадағалаушы орган өкілдері мынандай мәлімдеме жасады.
Екінші мәселе де осыған ұқсас. Қызылжар ауданындағы Бескөл ауылдық округінің әкімі Гүлсім Кәрімова да жеке кәсіпкермен келісімшарт жасасқан. Құжат жаңажылдық безендіруге қатысты.
ӘСЕМГҮЛ БЕГАЛИНА, ҚР Мемлекеттік қызмет істері агенттігі СҚО бойынша департаментінің бас маманы:
– Өткен жылдың қараша айында Бескөл ауылдық округінің әкімі мен жеке кәсіпкер арасында жаңажылдық безендіру бойынша келісімшартқа қол қойылған. Көрсетілген сома 8 млн 400 мың теңге шамасында. Алайда, жұмыс толық көлемде орындалмаған.
Гүлсім Кәрімова өзінің кінәсін мойындады. Прокурорлардың араласуының нәтижесінде ақша қайтарылды. Кеңес мүшелері дауыс беру барысында екі әкімге де ескерту түрінде шара қабылдауды ұсынды.
Мәдина Қаби