ҚР Премьер-министрінің орынбасары Қанат Бозымбаев Ойқала шағын ауданы Ущев көшесіндегі бөгеттің құрылысын тексерді. Бұл нысан қаланы су тасқынынан қорғауы тиіс. Себебі, өткен жылы тасқын су көтеріліп, үйлер су астында қалған болатын. Апаттың алдын алу үшін бөгеттің биіктігі 4,5 метрден жеті метрге дейін ұлғайтылған. Оның ені бұрын 3 метр болса, енді 6 метрді құрайды. Құрылымның ұзындығы 300 метрге ұзартылған. Қала әкімі Серік Мұхамедиев бөгеттің құрылысы аяқталуға жақын екенін айтты.
СЕРІК МҰХАМЕДИЕВ, Петропавл қаласының әкімі:
– Міне, мына бөлігі ғана қалды. Бірақ, ол жобада жоқ, дегенмен біз оны өзіміз толыққанды аяқтаймыз. Негізінен, барлық жерде бетон қойылған, жұмыстар тек ішкі бөлігінде жүргізілуде.
Есіл өзенінің оң жағалауында орналасқан бөгет демеу қоры есебінен салынған. “Бүгінгі күні сараптама жұмыстары толығымен аяқталды”,- деді қала әкімі. Қанат Бозымбаев бөгетте жүргізілген құрылыстың сапасын тексеріп, қалған жұмысты аяқтауды тапсырды.
– Проблема города особо здесь нет. Ущева, Кожзавод, Биопруд мы тоже укрепили. И объездная дорога у нас тут полностью. Подгора, то есть проблем не будет? Нет, не будет.
Қанат Бозымбаев кейін биотоғанда қайта жөнделіп жатқан бөгеттің жұмысымен танысты. Өткен жылдың су тасқыны жағдайын ескере отырып, көлемі ұлғайтылған. Бұл бөгеттің тозуының алдын алып, табиғи сипаттағы төтенше жағдай қаупін болдырмауға мүмкіндік бермек.
СЕРІК МҰХАМЕДИЕВ, Петропавл қаласының әкімі:
– Өткен жылы жұмыстар орындалды, біз бөгеттің деңгейін орта есеппен 2 метрге көтердік. Қайта жөндеу жұмыстары жүргізілді, су бұрғыштар жасап, бетондадық. Міне, 2014 жылы жасалған мына жерін жөндеп, су ағындары жасалды. Енді үшінші кезең, мына учаске ғана қалды. Бұл жердің ұзындығы – 1000 метр, оны бетондап, су бұрғыштар жасау керек.
«Қызылжар су» ЖШС директоры Жеңіс Сұлтанов биотоғанның жұмысына тоқталды. Мемлекет тарапынан бөлінген қаражаттың барлығы толықтай игерілгенін жеткізді.
ЖЕҢІС СҰЛТАНОВ, «Қызылжар су» ЖШС бас директоры:
– Үш жыл жұмыс істедік, үш жыл ішінде 124 млн инвестиция салдық. Бүгінгі күні өз күшімізбен реактор сатып алдық. Хлорелланы өзіміз шығарамыз. Ал реагенттерді Ресейден сатып аламыз. Қазіргі таңда жұмыс жалғасып жатыр.
Петропавлдағы бөгеттердің жұмысымен танысқан Қанат Бозымбаев мемлекет тарапынан қолдау болатынын жеткізді. Ең бастысы, қалған жұмыстар уақытында аяқталуы тиіс екенін ескертті.
“Первый Северный” телеарнасы