“СК АГРО 2050” серіктестігінің бригадирі Әлібек Қожабек арнамыздың түсірілім тобымен тілдесу барысында агроқұрылым базасында облысымыздағы ең ірі тауарлы-сүт фермасының құрылысы жүріп жатқанын айтты. Бастапқы кезеңде онда 3600 сиыр болса, уақыт өте келе көрсеткіш 10 мың басқа жетпек. Жоба құны – 6 млрд теңге. Оның 3,7 млрд-ын серіктестік “Солтүстік” ӘКК-нан алады. Нысан қолданысқа берілгеннен кейін жылына мұнда 5 мың тонна сүт өндірілетін болады. Маңызды жұмыс осыдан тура бір жыл бұрын басталған. Кәсіпорын ағымдағы жылдың желтоқсан айында қолданысқа беріледі. Айта кету керек, СҚО – сүт өндіру бойынша елімізде екінші орында. Аймақта 110 тауарлы-сүт фермасы бар. Оның 40-тан астамы – заманауи кешендер. Өткен жылы өңірдегі фермаларда 370 мың тонна ақ сауылған. Бұл көрсеткіш 2023 жылға қарағанда 22 мың тоннаға көп.