Істі болған азаматтың басы тағы да бәлеге ілікті. Полицейлер жақын арада облыстағы аудандардың бірінде заңсыз қару сақтаған 35 жастағы ер азаматты анықтады. Одан «ТТ» тапаншасы мен түрлі қаруға арналған 30-ға жуық оқ-дәрі тәркіленді. Ер адамның айтуынша, ол қаруды тауып алса керек. Өзі қамауға алынды, тапанша сараптамаға жіберілді. Полицейлер қарудың қылмыстық іске қатысы бар-жоғын анықтауда. Ауыл тұрғыны бұрын ұрлық жасау, көлікті айдап әкету және қарақшылықа барғаны үшін бірнеше рет сотталған екен. Полицейлер оның ауылдасы мен құрдасынан да дара ұңғылы шолақ мылтық пен 8 патрон тапты. Бұл үшін де қылмыстық жауапкершілік көзделген. Күдіктілер ірі мөлшерде айыппұл төлейді немесе 5 жылға бас бостандықтарынан айырылуы мүкін.
Мәдина Қаби