Облыс орталығында аяулы арулар мен ардақты аналарды құттықтау шарасы жалғасып жатыр. 8 Наурыз – Халықаралық әйелдер күні қарсаңында Солтүстік Қазақстан облысы бойынша Қылмыстық атқару жүйесінің ерлер қауымы нәзік жанды әріптестерін шаттыққа бөледі. Атаулы датаға орай Ақан сері атындағы облыстық филармония қабырғасында мерекелік концерт өтті. Салтанатты шарада 90-ға жуық адам түрлі дәрежедегі марапат алды. Олар: шен таққан мамандар, олардың аналары, сала ардагерлері және департаментпен тығыз байланыстағы жандар. Халықаралық әйелдер күніне орай Манар Қабайдың да еңбегі еленді. Ол терең білім, психологиялық төзімділік пен темірдей тәртіп талап етілетін бағытта 10 жылдан аса тер төгіп келеді.
МАНАР ҚАБАЙ, СҚО бойынша ҚАЖД №66 бөлім бастығы:
– Мінсіз қызметі үшін» медалімен марапатталып жатырмын. Өте қуаныштымын. 2013 жылдан бастап ішкі істер органдарында қызмет атқарамын. Қостанай академиясын тәмамдадым. Біздің жұмыста тәртіп пен Отанға деген адалдық бірінші орында тұрады.
Байболат Құлтанов