“Өткен жылы экономиканың өсуі 4,8% -. құрады. Ауыл шаруашылығында — 13,7%, құрылыста — 13,1%, саудада — 9,1%, көлікте — 8,5% жоғары серпінге қол жеткізілді. Өңдеу өнеркәсібінің көлемі 5,9% – ға ұлғайды. Аграрлық секторда және өңдеуде соңғы 10 жылдағы ең серпінді өсім тіркелді”, – деді премьер-министр.
Сонымен бірге, оның айтуынша, мұнай өндіру 2,4 млн тоннаға төмендеп, “ЖІӨ өсу қарқынына теріс әсер етті”.
Олжас Бектенов түсіндіргендей, бұл елдің ОПЕК+ шеңберіндегі міндеттемелеріне, сондай-ақ ірі кен орындарындағы күрделі жөндеулерге байланысты болды. Өңірлер бөлінісінде өткен жылдың қорытындысы бойынша ең үлкен экономикалық өсім көрсетті: Солтүстік Қазақстан, Қарағанды, Түркістан, Қызылорда облыстары, Астана және Шымкент қалалары. Негізгі көрсеткіштер бойынша төмен динамика Ұлытау, Атырау, Батыс Қазақстан, Жамбыл облыстарында қалыптасты.