Петропавлдық волонтерлер үстеріне Аяз ата мен Ақшақардың киімін киіп, тұрғындарға тәтті-дәмді мен сыйлықтар үлестірді. Ал тұрғындар сыйлықтарды алу үшін олардың қызықты тапсырмаларын орындады. Тақпақ айтып, жұмбақ шешкендердің барлығына сыйлық табысталды. Осы қалыпта Аяз ата мен Ақшақар Қазақстан Конституциясы көшесі бойымен жүріп, адамдарға жаңажылдық көңіл күй сыйлап, тапқырлықтарын сынады. Одан бөлек сыйлық ұстаған күйі сауда-ойын-сауық орталықтарын да аралады.
ДИНА БАЙМАҚЫШОВА, қалалық жастар ресурстық орталығының маманы:
– Бұл – Жаңа жыл мерекесіне орай жылда ұйымдастырылатын дәстүрлі шара. Барлығына жаңажылдық көңіл-күй сыйлауға тырысамыз. Одан бөлек қала волонтерлері бірігіп, биыл 900-ге жуық әлеуметтік осал, көпбалалы отбасы балаларына түрлі сыйлықтар үлестірдік.
Мәдина Қаби