Жаңа жыл қарсаңында «Динамо» спорт залында кішкентай футболшылар үшін спорттық мереке өтті. Оған 5 жастан 12 жасқа дейінгі 50-ден астам ұл-қыз қатысты. Ұйымдастырушылар спорттық іс-шараны әсем шыршамен әрлендіріп, Аяз ата мен Ақшақарды шақырған. Балалар оларға тақпақтар айтып, жұмбақтар шешті. Қатысушыларға түрлі сыйлықтар да берілді. Жыл қорытындысы бойынша кіші топтардағы үздік ойыншылар арнайы сыйлықтармен марапатталды. Сонымен қатар, іс-шараға арнайы келген «Қызылжар» футбол командасының үздік ойыншыларының бірі Тимур Мульдинов балаларды мерекемен құттықтап, тартуларын табыс етті.
Мәдина Қаби