Еш жасыратыны жоқ, қазіргі таңда жастардың бірсыпырасы бос жүр. Көбісі қай жерде қандай жұмыс бар екенін білмей жатады. Осы олқылықтың орнын толтыру мақсатында қалалық Жастар ресурстық орталығының мамандары түрлі іс-шаралар өткізуде. Кеше бос орындар жәрмеңкесін өткізсе, бүгін жергілікті университет пен М.Жұмабаев атындағы жоғары колледжге келіп, ондағы студенттерге жұмысқа шақыру жаднамаларын таратты.
АЙСҰЛУ БЕКІМОВА, қалалық жастар ресурстық орталығының мүшесі:
– Бұл жаднамаларда жастарға арналған барлық мемлекеттік бағдарламалар жайлы жазылған. Барынша қаламыздағы адам көп жүретін жерлерге баруға тырысамыз. Мұндай шараларды жиі өткіземіз. Бүгіннің өзінде 300-ге жуық түсіндіру қағазын тараттық. Біреуі болмасын, біреуіне пайдасы тиеді деген сенімдемін.
Нұрасыл Ахмет