Мағжан Жұмабаев ауданында өңірдегі ең ірі тауарлы-сүт фермасының құрылысы басталды. Бастапқы кезеңде онда 3600 сиыр болса, уақыт өте көрсеткіш 10 мың басқа жетпек. Бұл жайлы өңірлік коммуникациялар қызметі алаңында аудан әкімі Рахат Смағұлов айтты. Брифингте атқарылған жұмыс та қорытындыланды.
РАХАТ СМАҒҰЛОВ, Мағжан Жұмабаев ауданының әкімі:
– 10 айдың қорытындысына тоқталсақ, ауыл шаруашылығы өнімінің жалпы көлемі 64,1 млрд теңгені құрады, нақты көлем индексі – 131, 6 пайыз. Дәнді дақылдардың жалпы өнімі – 702,5 мың тонна, өнімділік – 21,1 ц/га, майлы дақылдар 72,9 мың тонна жиналды, өнімділік 10,5 ц/га құрады.
Ауданның жолына қарап, әкіміне баға беруге болады. Бұл тұрғыда биыл Мағжан Жұмабаевта бірнеше жоба қолға алынған. Республикалық, облыстық, аудандық маңызға ие трассалардан бөлек, ауылдарға кіреберіс жолдар мен көшелер жөнделіпті.
РАХАТ СМАҒҰЛОВ, Мағжан Жұмабаев ауданының әкімі:
– Жол жөндеу уақыты аяқталды. Біздің аудан биылғы жылы жол жөндеу бойынша облыста алдыңғы қатарда тұр. Аудан бойынша барлығы 709,8 км жол бар, оның ішінде 194 км – республикалық, 108 км – облыстық, 407,8 км аудандық маңызы бар жолдар. Олардың 80 пайызы жақсы және орташа жағдайда. В текущем году отремонтированы участки дорог республиканского значения «Сулышок-Возвышенка», «Чистое – пост Каракога», участок дороги областного значения «Каракога-Надежка» общей протяженностью 56 км на сумму более 4 млрд тенге.
Халықты сумен қамту – маңызды мәселенің бірі. Қуанышымызға орай, келесі жылы Мағжан Жұмабаев ауданындағы бірсыпыра ауылда оң өзгеріс орын алады.
РАХАТ СМАҒҰЛОВ, Мағжан Жұмабаев ауданының әкімі:
– Келесі жылы Қарақоға және Успенка ауылдарында сумен жабдықтауды күрделі жөндеу жоспарланған, Веселовка, Достық, Еремеевка, Ұзынкөл ауылдарында сумен жабдықтау объектілерін ағымдық жөндеу көзделген. Придорожное, Золотая Нива және Пролетарка ауылдары үшін жобалық-сметалық құжаттар дайындалып жатыр.
Келесі жылы аудандағы 4 мектеп жөнделеді. Олар: Возвышенка, Сарытомар, Бастомар және Қарағанды. Брифинг соңында Рахат Смағұлов жұмабаевтық оқушылардың және спортшылардың жеткен жетістіктерін жіпке тізді.
Байболат Құлтанов