Темір тордың ар жағындағы туындылар! Петропавлдағы №50 мекеме қабырғасында тұңғыш рет сотталғандар арасында “Күзгі карнавал” ұйымдастырылды. Іс-шараға жазасын өтеуші 150-ге жуық әйел қатысып, әйгілі кинофильмдерге байланысты жұмыстарын ұсынды. Мысалы, жасақтардың бірі 7 метрлік айдаһардың декорациясын жасады. Ал екінші топ қарақшылар кемесін әзірлесе, үшінші команда Клеопатраның алтын күймесін көпшілік назарына қойды. Сонымен қатар, нәзікжандылар таңдалған фильмдердің ең танымал сценаларын көрсететін толыққанды бағдарлама қойды. Киген костюмдері мен қажетті құралдарды сотталғандар өздері жасаған.
Байболат Құлтанов