Петропавлда «Auyl sport-2024» жарысы басталды. Облыстық деңгейдегі дода – республикалық кезеңге іріктеу. Аты айтып тұрғандай, сайыста тек елді мекендерде тұратын ұл-қыздар күш сынасады.
ДӘУРЕН НҰРҒОЖИН, СҚО бойынша «Auyl sport -2024» жобасының үйлестірушісі:
– Облыста баскетбол, волейбол, бокс, еркін күрес және шахмат сынды спорт түрлерінен жарыс өтіп жатыр. 200-ге жуық бала қатысуда. Барлығы – ауыл балалары.
Қызылжарлықтар өздерінің баскетбол командасына сенім артады. Белое ауылының балалары қарсыластарының барлығын жеңуге ниетті. Олардың арасында Родион Бондаренко есімді ойыншы бар.
РОДИОН БОНДАРЕНКО, жарысқа қатысушы, Қызылжар ауданы:
– Жарысқа 2 апта дайындалдық, физикалық әзірлікке басымдық бердік. Алаңда шаршап қалмауымыз қажет. Біздің мақсат – жеңіске жету. Республикалық кезеңге жолдама алып, облыстың атын шығарсақ дейміз.
«Auyl sport» – елімізде тұңғыш рет қолға алынған жоба. Мақсаты – ауылдағы талантты балаларға жол ашу.
ДӘУРЕН НҰРҒОЖИН, СҚО бойынша «Auyl sport -2024» жобасының үйлестірушісі:
– “Халық” қайырымдылық қоры осы жарысты Қазақстан бойынша өткізіп жатыр. Ірістеу жарысы. Жеңіске жеткен балалар Алматы қаласында желтоқсан айында өтетін ақтық сынға барады.
Өңірімізде жарыстар кеше бастау алды. Облыстық кезең ертең мәресіне жетіп, үздіктер анықталады.
Байболат Құлтанов