Бұл жандар күн жылыда, аязда, күні-түні, жұмыс күні де, демалыста да қолдарынан күрек-сыпырғышын тастамайды. Қаланың тазалығын қамтамасыз етуде олардың еңбегі ерен.
Бүгін қоғамдық даму және ақпарат және жастар ресурстық орталықтарының өкілдері мен “күміс” волонтерлер “Жанашыр жүрек” деген атаумен жанға жылу сыйлайтын акция ұйымдастырды. Шара барысында белсенді жандар коммуналдық қызмет жұмысшыларына дәмі тіл үйірер бауырсақ пен ыстық шәй берді. Акция Республика күніне орай ұйымдастырылды.
ОКСАНА ГОНЧАРЕНКО, СҚО ІСБ қоғамдық даму және ақпарат орталығының маманы:
– Мұндай шараларды жиі ұйымдастыруға тырысамыз. Бұл игі істі өткізуге жастар құлшына қатысады әрі далада тер төгіп жүрген жандарға да ұнайды. Бүгінгідей салқын әрі жаңбырлы күнде дәмді бауырсақ пен ыстық шәй бойға қуат береді.
Данаш Хамза