Бүгін Д.Карбышев атындағы №40 орта мектебінде “Жас батыр” әскери-патриоттық орталығы ашылды. Ұйым білім ұясының 3-ші қабатында орналасқан. Үш бөлмеден тұрады. Біреуі конференция залы болса, қалған екеуі Ұлы Отан және Ауған соғыстарының ардагерлеріне арналған мұражай болып саналады.
ҚАНАТ СӘДУАҚАС, СҚО спорт, дене шынықтыру және АӘД өңірлік оқу-әдістемелік орталығының директоры:
– Бізде облыс көлемізде “Жас сарбаз” қозғалысы бар. Оған 5 мыңнан астам жас мүшелік етеді. Енді осы жер олардың филиалы болмақ.
Орталықтың ашылуына жұмсалған қаражат облыстық бюджеттен бөлінген.
ҚАНАТ СӘДУАҚАС, СҚО спорт, дене шынықтыру және АӘД өңірлік оқу-әдістемелік орталығының директоры:
– Бұл қаражатқа біз 200 шаршы метр аумақты істедік, экспонаттар орналастырдық. Бізге Ауған соғысының және Ұлы Отан соғысының ардагерлері және басқа да адамдар өздерінің мұражайға құжаттарын ескі заттарын тапсырды. Енді осы жерде іс-шараларымызды өткізетін боламыз.
Жиынға Ауған соғысының ардагерлері қатысты. Мұхтар Есенбергенов “Жас батыр” орталығы жастарды патриоттық рухта тәрбиелеуге ықпал етеді дейді.
МҰХТАР ЕСЕНБЕРГЕНОВ, Шал ақын ауданы Ауған соғысы ардагерлері және мүгедектері ұйымының төрағасы:
– Мұражай жастарды отансүйгіштікке, патриоттықа баулиды. Осындай орталық ашып отырғандарына көптен-көп рахмет.
Орталықта 4 маман жұмыс істейтін болады. Келіп көреміз деген адамдарға есік әрқашан ашық.
Мәдина Қаби