СҚО ПД есірткі қылмысына қарсы іс-қимыл басқармасының қызметкерлері 28 жастағы петропавлдықтан аса ірі мөлшерде синтетикалық есірткі тәркіледі. Ол М.Жұмабаев көшесінде ұсталған. Оны тінту кезінде қалтасынан дозаларға бөлініп салынған 190 түйіншек α-PvP табылды. Күдіктінің жалдамалы пәтерінен нашасы бар пакет,
электрондық таразы мен буып-түюге арналған тағы бірнеше зат шыққан. Сондай-ақ, жігіттің тұрған жерінен АҚШ доллары мен түрік лиралары табылды. Айтуынша, ол шетел валютасын коллекциялаған.
АСҚАР МҰХАМЕТҚАЛИЕВ, СҚ ПД бастығының орынбасары:
– Тәркіленген есірткінің жалпы салмағы 205 грамнан асты. Бұл аса ірі мөлшерге жатады. Қазіргі уақытта ұсталған адам қамауда. Өткізу мақсатында аса ірі көлемде есірткі сақтағаны үшін ол 15 жылға дейін бас бостандығынан айырылуы мүмкін.
Данаш Хамза