Өңірде кейбір шаруа қожалықтары орақ науқанын аяқтады. Осы ретте Айыртау ауданының көрсеткішін алға тартуға болады. Аудан диқандары гектарына 50 центнерден өнім жинаған. Мамлют пен Аққайыңда берекелік 40 центнердің шамасында. Тимирязев ауданының көрсеткіші де осал емес. Мұнда дәнді және дәнді-бұршақтылар 30 центнерден жиналған. Жалпы, облыс бойынша алатын болсақ, күзгі жиын-терім аяқталуға шақ. Егіс алқабының 93 пайыздан астамы терілді. Орташа өнімділік – 18 центнер. 5 жарым млн тоннадан астамы бастырылған. Қазір майлы дақылдарды жинау жұмысы қызу жүріп жатыр. Егіс алқабының 35 пайыздан астамы жиналыпты. Мұндағы берекелік 11 центнерден асады. Еске сала кетейік, биыл 4 жарым млн гектарға жуық жерге егін егілді. Оның 3 млн гектарынан астамы – дәнді және дәнді-бұршақты дақылдар. Астық сақтау қоймаларына 1 жарым млн тоннадан астам өнім салынған.
Данаш Хамза