Бүгін қалалық жастар ресурстық орталығында осындай ізгі тілектер айтылып, алғыс жаудырылды. Жүрекжарды сөздердің барлығы белсенді ұстаздарға арналған. Жұлдыз Ысқақақова қалалық Искандер Даутов атындағы қызмет көрсету саласы колледжінен келіп отыр. Ол білім ордасында директордың оқу ісі жөніндегі орынбасары қызметін атқарады. Жалпы, еңбек өтілі – 9 жыл. Нәзікжанды орталық мүшелерімен бірге біраз игі іске атсалысқан.
ЖҰЛДЫЗ ЫСҚАҚОВА, И.Даутов атындағы қызмет көрсету саласы колледжі директорың оқу ісі жөніндегі орынбасары:
– Біз жастар ресурстық орталығымен тығыз байланыстамыз. Бізде 400 студент оқыса, солардың барлығы дерлік волонтерлікпен айналысады.
ДАМИР ӘБДИН, қалалық жастар ресурстық орталығының жетекшісі:
– Қоғамдық істе ұйымдастыру шараларына ат салысып, жалықпайтын, көмегін аямайтын жандарға алғысымыз шексіз. Олар әрі бала оқытады, әрі қайырымды іс жасауға да уақыт табады. Бұл ерлікпен пара-пар. Мұғалім – бала тәрбиесінде ерекше орын алатын адам. Осы ретте ол өзінің белсенділігімен жас ұрпаққа үлгі болады.
Бүгінгі жиынға 15 білім ошағының педагогы шақырылған. Оның 11-і колледж ұстаздары болса, қалғаны – мектеп мұғалімдері. Барлығы алғыс хатпен марапатталды.
Мәдина Қаби