СҚО-да орақ науқаны қарқынды жүріп жатыр. Аграрилер қолайлы ауа райын пайдаланып аянбай тер төгуде. Еңбекқорлар барлық істің 60 пайызын аяқтаған. Өңір диқандары 2 млн 900 мың га алқаптағы дәнді және дәнді-бұршақты дақылдарды жинап алды. Шығымдылық 17,6 центнерді құрайды. Бастырылған астық көлемі – 5 млн 118 мың тонна. Жалпы, облысымызда 46 элеватор бар. Олардың жалпы сыйымдылығы 3,2 млн тоннаны құрайды. Бұдан бөлек, өңір агроқұрылымдарында 3,7 мың тонна дақыл сақтауға арналған орындар қарастырылған. Айта кету керек, теріскейде өнімділігі гектарына 40 центнерден асатын шаруашылықтар бар. Соның бірі – Жамбыл ауданындағы «Ақ-Жер 2010» ЖШС. Агроқұрылымда орташа шығымдылық 42,5 центнерді құрап отыр.
Нұрасыл Ахмет