Петропавлда және облыс жолдарында “ақылды камералар” іске қосылды. Көлік қозғалысы тығыз жерлерге тағы 24 құрылғы орнатылған. “Жол жүрісі қағидаларының бұзушылықтарын автоматты түрде тіркейтін жабдықтар апаттылықты азайтуда тиімділігін көрсетті”,- дейді мамандар.
СЕРІК ӘЛЖАНОВ, СҚО ПД әкімшілік полиция басқармасының бастығы:
– Аталған кешендер жол апаттарын, яғни адам өліміне алып келген жол-көлік оқиғаларының санын азайтуда оң нәтиже көрсетті. Осы ретте статистика 30 пайызға азайды әрі жүргізушілердің жүріс-тұрысы тәртіпке келгенін байқауға болады.
Еске сала кетейік, бұған дейін осындай 30 құрал жұмыс істеді. Өңірдегі “ақылды камералардың” саны енді 50-ден асты. «Кордон.Про»М мобильдік кешендері жылдамдық асыру, қауіпсіздік белдігін тақпау, көлік басқару кезінде ұялы телефон пайдалану, жол белгілерінің талабын сақтамау фактілерін тіркейді.
Данаш Хамза