Аққайыңдар өлкесінде қысқы кезеңге қызу дайындық жүргізіліп жатыр. Бүгінде өңірге көмір кесте бойынша жеткізілуде. Бұл тұрғыда мәселе жоқ. Сандарды сөйлетсек, бюджеттік ұйымдардың 86% қара отынмен қамтылған. Ал халықтың дайындығы 41% құрайды. Осы және өзге де ақпармен өңірлік коммуникациялар қызметінің алаңында энергетика және тұрғын үй-коммуналдық шаруашылық басқармасының басшысы Данияр Қуанышбаев бөлісті. Кездесуде 2-жылу электр орталығындағы жаңа мұржаның құрылысы туралы да айтылды.
ДАНИЯР ҚУАНЫШБАЕВ, СҚО энергетика және тұрғын үй-коммуналдық шаруашылық басқармасының басшысы:
– Петропавлдағы 2-жылу электр орталығындағы жағдай қалыпты. Бүгінде мұржаның 30 метрі тұрғызылды. Бұл – негізгі кезең. Яғни, қиындық артта қалды десек болады. Әлі 150 метр көтереміз. Маңызды жұмыс кесте бойынша жүргізіліп жатыр. Артта қалу байқалмайды. Жоспар бойынша мұржаның құрылысы келер жылы аяқталады.
Байболат Құлтанов