Облыс әкімі Бірлік шағын ауданында болды. Мұнда Ғауез Нұрмұхамбетов тұрғындармен тілдесті. Әңгіме барысында сапа жайлы сөз қозғалды. Жаңа үйлерге кірген адамдардың өтініш-тілегі жерде қалмайды. Егер баспана кілтіне ие болған жерлестеріміз үн қатса, олардың мәселесі ескеріледі. Тілдесу кезінде аймақ басшысы осыны тілге тиек етті.
ҒАУЕЗ НҰРМҰХАМБЕТОВ, Солтүстік Қазақстан облысының әкімі:
– Біз құрылыспен айналысатын мердігерлерді таңдадық. Олармен келіссөз кезінде сапалы жұмыс жүргізуді тапсырдық. Адамдар бұл жерде тұрады. Сондықтан, сапасыз іс болмасын. Одан қалды, барлық шағымға құлақ түріңіздер. Бірде-бір тұрғының өтініші елеусіз қалмасын. Үйлердің 2 жылдық кепілдігі бар. Мердігерлер мұны жақсы біледі.
Байболат Құлтанов