Жамбыл ауданында құрылыста заңсыз жұмыс істеп жүрген бес бірдей Өзбекстан азаматы анықталды. Бесеуі де сот шешімімен ел аумағынан шығарылды, ал оларға жұмыс берген адам жауапкершілікке тартылды. Көші-қон қызметі басқармасының мәліметі бойынша облыста 6 ай ішінде тиісті заңнаманы бұзған 200-ден астам шетелдік пен 40-қа жуық жұмыс беруші әкімшілік жауапкершілікке тартылыпты. Өңірде жыл басынан бері тіркеусіз немесе жеке басын куәландыратын құжатсыз тұрғаны үшін 5 жарым мыңға тарта азаматқа да жаза қолданылған. Ел аумағынан 57 шетелдік шығарылды.