Облыстық перинаталдық орталық мамандары мереке дегенді білмейді десек болады. Олар қай күні, қандай уақытта болмасын дүние есігін ашқалы тұрған сәбиді анасына аман-есен табыстаулары керек. Биылғы Жаңа жыл мерекесінде Петропавлда ақ халаттылардың көмегімен 18 бала өмірге келді. Оның 10-ы 31-ші желтоқсанда туылса, қалғаны 1-ші қаңтарда шыр етті. 2024 жылы өмірге келген тұңғыш нәресте – қыз бала. Салмағы – 3210 грамм, ал бойы – 53 сантиметр. Сүп-сүйкімді балапанған Рамина деген әдемі әрі сирек есім беріліпті.
ДИНАРА НҰРҒОЖИНА:
– Негізі, мен 10-шы қаңтарда босануым керек еді. 30-шы желтоқсан күні ішім ауырды. 31-і жедел жәрдем шақырып, кешкі 10-да осында келдім. Қан қысымым 180-ге дейін көтерілді. Жүрек қағысым да жоғары болды. Қатты қиналдым, осылай таңғы 4-те қызымды дүниеге әкелдім.
Жаңа жылдық демалыс күндері облыстық перинаталдық орталық мамандары арнайы ауысым бойынша тер төкті. Дәл мереке түнінде 3 акушер-гинеколог, 2 неонтолог пен 2 анестезиолог-реанимотолог жұмыс істеген екен.
СӘУЛЕ МҰСТАФИНА, облыстық пернаталдық орталық босанғаннан кейінгі бөлімшесінің меңгерушісі:
– Жалпы, 2023 жылы 4 204 босану болды. Оның ішінде шала туылған, жақсы туылған, кесір тілігі арқылы туылғандар бар. Барлық солтүстікқазақстандықты Жаңа жыл мерекесімен құттықтаймын. Әр жанұяға зор денсаулық, бақыт тілеймін!
Жалпы, желтоқсанның 31-і мен қаңтардың 1-і күндері дүниеге келген сәбилердің 7-еуі ұл болса, 11-і – қыз бала.