Тұрғындарды таңдай қақтырған бастама! Қазақстан Республикасы Ұлттық гвардиясының оркестрі петропавлдықтарды Жаңа жыл мерекесімен ерекше бағытта құттықтады. Бұл жолы ұжым концерт залында емес, “Рахмет” сауда ойын-сауық кешенінде өнер көрсетті. Аспаптың сан түрін меңгерген талантты теріскейліктер түрлі жанрдағы музыкаларды жоғары деңгейде орындап, жүрекке жеткізді, көрерменнің көңілін көтерді. Кейін негізі сонау 97-ші жылы құрылған оркестр “Dostyq mall” орталығында халыққа көтеріңкі көңіл-күй сыйлады.
Мәдина Қаби