Қазақстан Премьер-министрі Әлихан Смайылов жаңа тұрғылықты жерінде қалуға мүдделі болуы үшін қоныс аударушыларды бейімдеуге көбірек көңіл бөлуді тапсырды.
“Жұмыс күші артық азаматтарды жұмысқа орналастыру жоспарында жыл басынан бері 1300-ден астам отбасы еңбек тапшылығы бар өңірлерге қоныс аударды. Бұл жақсы көрсеткіш. Сонымен қатар, қоныс аударушылардың жаңа тұрғылықты жерінде қалуға мүдделі болуы үшін оларды бейімдеуге көбірек көңіл бөлу қажет”, – деп атап өтті Премьер.