Еуразиялық экономикалық одақ 2022 жылдың қорытындысын шығарды. Қорытындыға сәйкес, өткен жылдың желтоқсанында тауарлар мен қызметтерге тұтыну бағаларының индексі 2022 жылғы қарашамен салыстырғанда 100,8%-ды құраған. Былтыр азық-түлік емес тауарлардың бағасы 13,3%-ға артқан. Осы кезеңдегі өнімнің өзіндік құны 12,2%-ға, ақылы қызметтерге 12,9%-ға өскен. Бұл ретте өткен жылы инфляцияның ең жоғары деңгейі Қазақстанда тіркелді. Ол 20,3 пайызды құраған, яғни біздің елде азық-түлік 25,3%-ға қымбаттап отыр. Ал азық-түлік емес тауарларға баға бір жылда 19,4%-ға көтерілген. Ақылы қызметтердің бағасы 14,1 пайызға өсті.
Дана Ешкенова